في مهنتي ظلموني
في القانون ما نصفوني
فالبرلمان حكروني
بالوصاية هلكوني
لمن نشكي حالييي
شكوى للرب العالي
غير هو لي داري
فهاد المهنة عايشين فغمامة طالبين السلامة،
نصرنا يا مولانا
خلاونا كيف ليتامى
محجرين علينا
نتحاسبو يوم القيامة
مهنة لعدول ضيعتوها
الاختصاصات سحبتوها
الضمانات حرمتوها
بالتضمين والخطاب قهرتوها
بالمذكرة عرقلتووها
حق الايداع حرمتوها
بالعصري والمحامي ميزتوها
كيف بغيتو تشوفوها
اووو ووووه قتلتو هاد المهنة
نسيتوا شحال لعدول تاهمتوا
بالسنين باش جازيتوا
هاد المهنة ضيعتوها
لعدول ضيعتوا حياتوا
خدمتوا ووليداتو
والحقوق هضمتوا
لا تغطية لولادوا
لا تأمين فخدمتووا
المشاكل منها لظهروا
صندوق التأمين ميزتوا
لا هيئة حماتوا
لا قوانين نصفاتوا
اوووه اوووه أووووه
ديزولاي الهيئة ديزولاي الأجهزة
على العدول كثروا لهضاري
الأسواق عمرتوها والمهنة دليتوها
بالكراجات شوهتوها
ديزولي الهيئة ديزولي الأجهزة
ديزولي الوزارة
شكون المسؤووول عليها؟
العقوبة في الجنائي برعتوها
والحقوق ميزتونا…
الإيداع حرمتوها…
السكن الاجتماعي قصيتونا
واش ماشي حشوما….
أووه اوووه ديزولي الهيئة
ديزولاي الوزارة
كلكم مسؤولين عليها
المهنة كون بغيتو تصلحوها
غادي تصلحوووها
بالدستور تعتقوها
والاصلاح ترحموها
على المهنة كثرة لهضاري
والهضرة طلعت فراسييي
مع اوجار بغينا قانون يحمينا
والكرامة يعطينا
ومن السجون والظلم ينجينا
عدول بني ملال وقنيطرة …
وغيرهم ربي لي داري…
غدا يوم القيامة …
في المهنة حكروني
فالقانون ظلموني
لمن تشكي حالي
شكوى للرب العالي
هو لي داري بحالي
غدا يوم القيامة….
ذ/طارق القاسمي